سؤال اود الكل ان يجاوب عليه

[عزيز]

بسم الله الرحمن الرحيم







يقول الله عزوجل(المال و البنون زينةُ الحياة الدنيا)





فجميعنا نتمنى أن نـُـرزق بأبناء




لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية




ولكن عيبهُ الوحيد أنه لايـُـنجب ...




فهل تقبلين الزواج منه؟؟




وكذلك السؤال موجهٌ للشباب ...




هل تقبل الزواج بفتاةٍ لاتـُـنجب؟؟





أو ....





إذا تزوجتم وأكدت الفحوصات الطبية بأن أحدالطرفين لا يـُـنجب فما هي ردة الفعل ؟؟؟




هل تهون عليك عِشرة السنين التي قضيتموها مع بعض وبالتالي تفترقان ؟؟




أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟




وأنتِ أيتها المرأة ماذاستكون ردة فعلكِ ؟؟




هل ستطلبين الطلاق والإنفصال ؟؟




أو ستبقين صابرةًمُحبه ومتعاونة وتحاولين أن تـُـنسيه همومه ؟؟


ابي كل المنتدى يجاولني وبصراحه

[q8_fireman]

وكذلك السؤال موجهٌ للشباب ...
هل تقبل الزواج بفتاةٍ لاتـُـنجب؟؟
طبعا اول مره اسمع انه ماكو بنيه ماتنجب بس مو مشكله اذا وحده كنت احبها والسالفه فيها عشرة عمر والله حتن لو تكون مشوها اخذها
إذا تزوجتم وأكدت الفحوصات الطبية بأن أحدالطرفين لا يـُـنجب فما هي ردة الفعل ؟؟؟
طبعا راح اكون حزين و يمكن اخذ وحده عليها طبعا اهيا راح تكون راضيه اذا اهيه ماتيب العيال او نتبنا ولد او بنت اذا يصير
هل تهون عليك عِشرة السنين التي قضيتموها مع بعض وبالتالي تفترقان ؟؟
لا ليش نفترق تره مو بسهوله انك تفترق من الانسان الي تحبه ترا يبيلها مخططات وبلاوي
أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟
جاوبت على السؤال فوق
ترا موضوعك حلو وانا شاكرلك بس ترا موضوعك في تحبيط وايد يعني انا عمري مافكرت بهالشي الحين انت قاعد تخليني اوسوس هههه وانا اقولك يعطيك العافيه حبيب

[Blue Angel]

الصراحه مدام اهو على قولتك في غاية الجمال وذو دين ٍ وأخلاق ٍعالية

اكيد ماراح انفصل عنه
وراح اكون صابرةًمُحبه ومتعاونة واحاول أن أنسيه همومه واوقف يمه
وماله داعي انفصل

شاكرتلك...
تقبل مروري...

[دمعة الالم]

السلام عليكم ورحمة الله وبركاته
وابغض الامور عند الله الطلاق
يعني ترضى تغضب ربك عشان مرتك او زوجج ماييب ياهال
في ياهل يتمونون عندهم ام او اب يعني اللي
بدار الايتام وفي شي اسمه الله محلل الشرع اربع
بس همن حرام تضلم مرتك معاك تحملتك كل هالسنين
انا اعرف ناس بعد 27 سنه يابوه يهال ماكو مشكله الصبر مفتاح الفرج
وشكرا

[**أبي ماكدونالز**]

أكيد أكيد
لا

دام فيها عشره عمر شكو باليهال بلعنه فيهم

اتبنى ياهل ولا أطلق حبيبه عمري

هاي

[blues chelsea]

هل تقبل الزواج بفتاةٍ لاتـُـنجب؟؟
انا شلون اعرف انها ما تنجب قبل ما اتزوجهااابس اذا كنت متزوجهااا اكيييد ما راح اخليهاا

أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟

لا ماراح اتزوج عليهاا لانه في شي اسمه اطفال انابيب ولو كان ما في يمكن اتزوج بسعلى الاقل يمر على زواجناا 6 او 7 سنوات وبجذيزوجتي ما راح تزعل علي لاني صبرت

تقبل مروري

[F A H A D]

هل تقبل الزواج بفتاةٍ لاتـُـنجب؟؟

اخوي كثــر من الناس لهم راي شخصي ولهم ردود مميزهـ


وانا ابي اقوولك ردت فعلي اجاه البنت الي اكتشفت انها ما تنجب .

اول شي دام اني عشت معها عشرت عمر الاطفال ربك الي يجيبهم

اهم شي مثل ما صبرت علي سنين وانتضرتني انا هم اني انتضرها

سوى انجبت او لا بعد اميه سنه ما في مشاكل اعمل خير تحصل خير

في العشرهـ هاذي ما اخونها والبنت اهم شي اسعدها معاي ومهما صار

الانجاب او غيره اهم شي ارضى ربي وارضي البنت الي صبرت علي السنين هاذي كلها

أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟

طبعأ لأ ارضى ولا اشاركها بحياتي مع انسانه ثانيه تقديرأ لها ولي انا

لانه مهما سوت ومهما صارت هاذي بتضل شريكت حياتك وزجتك
وصدقني ورى كل صبر مفتاح فرج
والدنيا هاذي اهم شي تسوي فيها خير ربك الي يتجيك منها
والطب الحين ما خلوو شي يعالجون اي شي يكوون في جسم الانسان ومهما صار
ما اخون من عاشرتني وعرفت طبيعتي حتى لو بالحلال مع زوجه ثانيه
اعيش معها العمر والي كاتبه ربك يبي يصير

يسلموو ابي وسوري ثقلت عليك باجاباتي تقبل

مروري لك يا الغالي

دمت بوود ومحبه وتحياتي لك

اخووك


فهـــFAHADــــد

[الــســفــيــر]

بالاول يعطيك العافيه عزيز على طرحك الموضوع للنقاش

بالنسبه للشباب وللبنات يعطيهم العافيه الكل ذكر وجه نظره بالموضوع


وبالنسبه لي

رايي من رايهم لانه الانسان مو موقف حياته على العيال انت تعمل خير لدنيتك وهي الدنيه الحقيقه الي بعد الممات

هل تقبل الزواج بفتاةٍ لاتـُـنجب؟؟

اذا انا احبها اي اتزوجها ليش لا انا صراحتا العيال عندي اخر شي افكر فيهم وبالاول الزوجه واخر مايطري على بالي العيال واذا ماتنجب اهيا مالها ذنب بالشغله هذي والله يرزق والي يصبر ينال الفرج ان شاء الله والطب الحديث تطور وفيه علاج لمثل الحالات هذي ومايقصرون العلماء ماخلو شي الا وطلعوله علاج

وبالنسبه لسؤالك الثاني

أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟

مثل ماقلت اتزوج ليش انا مايهمني العيال يعني عادي عندي اهم شي الزوجه المخلصه المحافظه المحترمه الي تعرف ربها وتعرف تتعامل مع الزوج معامله لائقه وحسنه وهذي افضل بأعتقادي افضل من العيال ومثل ماقلت بالسؤال الي تفضلت فيه انها مالها ذنب بانها ماتنجب اذا احبها اوكي انا قابل فيها وماتزوج غيرها ومن سابع المستحيلات اني اتزوج غيرها سواء كانت في عصمتي او لا

على العموم عزيز يعطيك العافيه

وشاكرلك على الطرح المتميز


الف شكر

[عزيز]

الله يعافيكم

وشاكر للجمبع على الرد على المووضوع