محمد البدري على كرسي الاعتراف

[كويتيه]

السلام عليكم ..


مثل ماقلنا انه كل اسبوع راح يكون عضو على كرسي الاعتراف ..

و سوف يتم أختيار أحد أسرة المنتدى ...

ليجلس على كرسي الاعتراف ويستقبل اسئلتكم

وهذه المرة وقع ألأختيار على ...

المشرف عالم السيارات محمد البدري :)

والحين انتو يا اعضااء تقدرون توجهولها الاسئله اللي بخاطركم وتبون تعرفونها ..

[الكـ دلع ـويت]

اوووكي يالبدري راح افتح معااك ملف يديد للتحقيق

استعد عدل ....

[الكـ دلع ـويت]

- ترتيبك بين اخوانك ؟
- منو اقرب واحد لك من اسرتك ؟
- اهم شي تسويه وانته فالبيت ؟
- اكله تحبها حيل ؟
- مشربك المفضل ؟
- شي تتمناه من اسرتك ولي البحين محد سواه لك؟
- شنو اكثر شي تندمج معااه اذا كنت تطالع التلفزيون يعني فلم مسلسل بباي ؟
- شنو احلى وقت للنوم عندك ؟

بااجي وايد مو مشكله تحمل كلتها قبلك كويتيه

بس ما كملت الباجي وانت ان شالله رااح اقعد معااك

لين اخلص الاسئله كلها ... يعني الله يعينك ...

[نووور الدنيا]

الله يعينك عالاسئلة

رادتلك بعدين

[كويتيه]

سؤالين خفيفين

اول شي شنو شعورك وانت مختارينك على كرسي الاعتراف؟؟

جم عمرك؟؟

بس ...:)

[محمد البدري]

اول شي اجاوب على اسئله المحققه دلع الكويت

ترتيبك بين اخونك؟؟

احنا 5 وانا الرابع

منو اقرب واحد لك بين اسرتك؟؟
امي واختي الكبيره

اهم شي اسويه وانا بالبيت ؟؟
القعده على النت والنوم

مشربك المفضل ؟؟
ريد بوول يعملك اجوانح لوووووووووول

شي تمناه وللحين محد سواه من اسرتك؟؟
كل الي ابيه يوصلني وما في شي تمنيته ومايابولياه
بس طبعا كله بشرط منهم ادرس انجح واحنا نيبلك الي تبيه

شنو اكثر شي تندمج معاه اذا كنت اطالع تلفزوون ؟؟؟
الافلام الاجنبيه المسلسلات الفكاهيه

شنو احلى وقت للنوم ؟؟؟

اذا كنت تعبان حيل يحلى النووم

وشاكرلج على الاسئله

نقزه يعني بس
اسئله هههههههههه

اسئله الاخت كويتيه

شنو شعورك وانت مختارينك على كرسي الاعتراف؟؟ظ
ماكنت متوقع لان ولامره سئله اي عضو كان على كرسي الاعتراف قبلي
يعني شعوري كان باللغه العربيه تعجب

جم عمرك ؟؟
17 شهر واحد ادخل 18 يعني يوم 31 - 1 - 2008 اصير 18


شاكرلج اسئلتج اختي كويتيه

والله يعيني عليج
لوووووووووووول

[*&*راعية البورش*&*]

وانا خلني ازهب لك اسئله

بعدين نتواجه لووول

[الكـ دلع ـويت]

هههه توك ما شفت شي هذي

مقبلات .... لوووول

يلا تفضل :

الحياة :-

- حكمة تومن فيها حيل ؟
-احسن لون عندك ؟
-دولة تتمنى تسافر لها ؟
-الوظيفه اللي تتمناها في المستقبل ؟
- شنو اليوم اللي تحبه ؟ وليش ؟
-يوم تكرهه ؟ وليش ؟
- نوع سيارتك المفضله ؟
- مكان يعجبك حيل وتروح له دايما ؟
يلا جااوب عشاان الي بعده ....

والله يعينك من قلب لووووول

[محمد البدري]

حكمه تؤمن فيها حيل ؟؟

اذ لم تكن ذئبا اكلتكه الذئاب


احسن لون عندك؟؟

الازرق والاسود


دوله تتمنى تسافر لها؟؟
والله للحين مو محدد وا متمني


الوظيفه الي تتمناها بالمستقبل ؟؟

محامي او ومحقق بالداخليه

شنو اليوم الي احبه ؟ وليش؟

الاربعه والخميس ليش عشان عطله

يوم تكرهه ؟؟ وليش ؟؟

السبت ليش عشان بدايت الاسبووع وبدايت الشقى

نو السياره المفضل ؟؟

بي ام دبل يو بس مو اي واحد اليريور وبس

مكان يعجبك ودايما تروحله ؟؟

مقهى ليالي الحلميه

وقهوت مشرف يو نايتيد

وشاكرلج اسئلتج

بس بس خلاص

لوووووووووووووووووووووووووول

[الكـ دلع ـويت]

قلت لك تو الناس يالله

تفضل هذول بعد ...

المدرسة :-

- مدرسه لي الحين تذكره ؟ وليش ؟
- احسن ماده عندك ؟
- اكثر ماده تكرهها ؟
- حدد بالضبط موقعك بالصف ؟
-شنو احسن مرحلة دراسيه عندك ؟
- شنو العقاب الي لين الحين ماثر فيك وفي اي سنه ؟
عندك شهادات تميز خاصه ؟ وشنو اهيا ؟
- احسن مرحلة دراسيه عندك ؟ وليش
- موقف محرج صار لك بالمدرسه ؟

اتمنى لك اجمل اللحظات مع اسئلتي لوووول

[محمد البدري]

قصدج مدرس للحين اتذكره ؟؟

مدرس الفلسفه والتاريخ ليش لانهم يعاملون الطالب جنى زميل او اخو لهم و وقت الامتحانات يدشوون

المسرح ويقعدوون يقششونا


احسن ماده عندك ؟؟

التاريخ المعاصر يعني تاريخ اوروبا

اكثر ماده اكرها ؟؟

العلوم والرياضيات عشان جذي انا ادبي مو علمي

حدد بالضبط موقعك بالصف ؟؟

اول شي انا درست على نظام المقررات والمقررات نظام تقريبا يشابه الجامعه
يعني ما نقعد بصف واحد كل ماده لها صف موقعي على حسب المدرس اذا كان خووش واحد
اقعد ثالث واحد اذا كان مو خووش واحد اقعد قبل الاخير او الاخير

شنو العقاب الي للحين اثرفيك وفي اي سنه ؟؟

سنه رابعه ثانوي يعني السنه هاذي
عطوني ايقاف 3 ايام عشان تهاوشت مع
مدرس مصري الله لايوفقه وابوي يا المدرسه
وشالو عني الايقاف بس على شرط اني اداوم
و احضر الحصص بس يسجلوني قياب



عندك شهاده تميز خاصه ؟؟وشنو اهيا

شهاده بمادت التاريخ وشهاده بمادت علم النفس

احسن مرحله دراسييه عندي؟؟؟ ليش

رابعه ثنوي ليش لانها مرحلت التخرج ومرحلت توديع الشطانه وايام المدرسه الحلوه

موقف محرج ايام المدرسه ؟؟

مره كنت داخل ادارت المدرسه اسأل عن مدرس كنت ما ر من مكتب الناظر جان يقوول ياطالب تعال
قلتله نعم استاذ جان يقوول عندك حصه الحين جان اقوله لا عندي فراغ( لان احنا نظام مقررات يختلف عن العامه) جان يقوولي تعال ساعدني قلتله حاضر جان يقولي كرتوون هاذا وده غرفت السكرتاريه
كان الكرتوون ثقيل قصب شلته كان حاط عند الباب حوض حق سمج الزينه بس حووض دائري اصغير
جان يفلت الكرتوون من ايدي ويطيح على الحوض وينكسر الحووض ويمووت السمج كان قاعد بمكتبه مدرسين وموجهين وعفسه يعني الكل يخز صار ويهي احمر ماعرفت شسوي جان يقوولي خلاص رووح
ونادي الهندي عشان ينظف وانحرجت حييييل

وشاكرلج اسئلتج

[MaShMaSh]

ههههههههه<<<<<<< ياليتني كنت موجود عشان اتشمت فيك

لوو وو وو وو وو وو وو وو ل


انا احب اسئلك بعض الاسئله وجاوبني صرااحة :)
1. شنو انواع المواضيع الي تشدك..........ترفيهيه,ادبيه, علميه.......الخ
2.شنو اغرب موقف صار لك بالمنتدى سواء زين او شين؟
3.شنو اهي اهتماماتك العامه او المجال الي تبدع فيه؟

وبس بنتظار ردك قلب

[محمد البدري]

شنو انواع المواضيع الي تشدني؟؟

ترفيهيه

شنو اغرب موقف صارلك بالمنتدى سواء زين اوشين ؟؟

واحد ماني قايل اسمه ويانا بالمنتدى طول الوقت عبالي انه الولد هذا نفسيه

ومن هل الحجي اخر شي اكتشفت انا ساكن ورا فريجنا وطلعت اعرفه من قبل

واهو خووش واحد وحبوب لوووووووووول

شنو اهي اهتماماتك العامه او المجال الي تبدع فيه؟؟؟؟

احب اشوف ايدد انواع السيارات وخصيصا السبوورت

وشاكرلك على اسئلتك

يا ولد خالتي كنت ابيك عوون طلعت فرعووون

لوووووووووووووووووووووول

[الكـ دلع ـويت]

زين تفضل كمل :


المنتدى :-

عضو تعلمت منه واايد ؟
- عضو لا تتمنى ان يغيب ابدا ؟
- عضو مشاغب ؟
- عضو مميز بالنسبه لك ؟
- عضو يثير اهتمامك ؟
- عضو تعرفه برا المنتدى ؟
عضو اكتشفت انك تطنشه ومو مهتم فيه ؟
- عضو تشوف ان عنده امكانيات واايد بس ما قدمها لي الحين ؟

ادري اذيتك بس تحمل ما راح اطول بس باقي صفحتين كلها اسئله لوووول

[محمد البدري]

عضو تعلمت منه وايد؟؟

السفير

عضو لاتتمنى ان يغيب؟

كلكم ما في احد بالتحديد

عضو مشاغب؟؟
كويتيه ودلع الكويت

عضو مميز بالنسبه لك؟؟
كلكم مميزن ما في اي احد بالتحديد

عضو يثير اهتمامك؟؟
الاخت بنت ابوي لان مواضيعها روعه وترفيهيه وانا احب المواضيع الترفيهيه ملحوظه اهتمامي بمواضيعها

عضو تعرفه بر المنتدى ؟؟
ولد خالتي مشمش وصاحبي السفير واختلفننا وبو الفوز والنازي

عضو اكتشفت انك اطنشه ومو مهتم فيه؟؟؟
ما في احد او ولامره طنشت اي عضو


عضو اشوف عنده امكانيات بس ما قدمها للحين ؟؟
الاخت رغد مع احترامي لها

وشاكرلج اسئلتج

[الكـ دلع ـويت]

لووول انا مشاغبه بس لو تموت ما راح ارحمك

يالله تفضل هذول بعد :


طبعا مو عاميه بالعربي لاني ناسختها من منتدى ... لووول

5. أي اللغات تفضل؟
6. ما هي أمنيتك في المستقبل، وهل تسعى لتحقيقها؟

7. ما هي الحكمة التي تؤمن بها؟
8. ما رأيك بالأمل، وهل يموت الأمل في الإنسان؟
9. ما رأيك بالحياة الدنيا، والحياة الآخرة؟
10. ما رأيك بالموت، وهل تهابه؟

13. هل سبق وأن تعرضت لموقف محرج؟ وهل من الممكن ذكره؟
14. هل شعرت مرة بتأنيب الضمير؟ ومتى؟


17. ما هو الرقم والحرف المفضل لديك؟
18. من هو أعز صديق لديك؟
19. أعطني فكرة بسيطة عن نفسك وشخصيتك؟
20. يقال ليس للرجال أمان فما رأيك؟


21. ما رأيك بالإنسان الخيالي الذي يحلم ولا يريد أن يستيقظ من حلمه؟
22. ما هو أحب الألوان لديك؟
23. ما مفهوم الزواج في رأيك؟
24. ما هو أكثر شيء تحبه وأكثر شيء تكرهه؟
25. فيما يتجسد جمال المرأة؟


26. لو كانت لديك مشكلة لمن تلجأ حتى تحلها؟ أم تحلها بنفسك؟
27. ما هو الأعمق الهدية أم القبلة؟
28. هل أنت راضٍ عن نفسك؟
29. كيف تطرد الإرهاق؟
30. كيف تسيطر على الخوف إذا اعتراك؟


31. هل أنت واثق من نفسك؟
32. ما هي نقطة ضعفك؟
33. ما هي أسعد أيامك؟
34. أتفعل شيئاً للقضاء على همومك؟
35. هل فيك خصلة رديئة، وما هي؟

وفي اسئله انا مسحتهاا لاني سالتك اياها من قبل

يلا جاااوب وبعد في هدايا واايد والله يعينك علي ...

[محمد البدري]

اي اللغات تفضل ؟؟؟

الفرنسيه

ماهي امنيتك في المستقبل ؟؟

محامي او ومحقق واسعى لتحقيقها

ماهي الحكمه التي تؤمن بها ؟؟

اذ لم تكن ذئبا اكلتك الذئاب

مارأيك بالامل وهل يمووت الامل في الانسان ؟؟

الامل شي حلو لانه دافع جيد للحيا ت والتواصل مع الناس
انا من راي مايمووت لان اذا مات يعتبر الانسان ضعيف شخصيه
وماله وجوود بالحيات

ماراي بالحيات الدنيا والحيات الاخره؟؟
بكل اختصار الحيات حلوه بس تبي من يفهمها
وراي بالحيات الاخره اذا كنت مؤمن حياتك
بالاخره تكوون حلوه


مارايك بالمووت وهل اهابه ؟؟
راي بالموت شي مكتووب على كل انسان
وانا اومن بالمووت نعم اهابه عشان كل
ما اذكر المووت اذكر ربي


هل سبق ان شعرت بمووقف محرج ؟؟
وايد مره بالمارينا لما طحت والناس كلهم يطالعوني

هل شعرت بتأنيب الضمير ؟؟ومتى ؟؟
اي ايام المدرسه لما دخل المدرس عشان يفتش الطلبه من الموبايلات والزقاير
كان عندي زقارتين جان اقطهم بدرجه الطالب الي يمي صاده المدرس وقاله هذول زقايرك
جان يقوله لا جان يقوله المدرس لا هذول ملاتك ولقيناهم بدرجك ونفصل الولد 3 ايام وكله بسبتي

ماهو الرقم او الحرف المفضل لي ؟؟؟
رقم واحد والحرف الميم

من هو اعز صديق لك ؟؟
السفير واختلفنا وجم واحد بره المنتدى

اعطني فكره بسيطه عن شخصيتك ؟؟
احب الهدوء وبنفس الوقت اجتماعي
واطمح حق الاعلى بالحيات العمليه

يقال لس للرجال امن ومارايك؟؟
مو كلهم في الطيب الطمووح وفي وفي
وفي الشين الشراني راعي المشاكل

مارايك بالانسان الذي يحلم ولايريد الاستيقاظ منه ؟؟
حلو انه الانسان يحلم بس موحلو انه مايستيقظ منه
لانه اذا استيقظ منه وقدر يحققه يكوون رجل ذو شخصيه
قويه وطموحه واذا ماقدر يحققها يضل طول عمره يحلم فيها
يعني مايستيقظ من حلمه وهذا رجل ضعيف شخصيه لاقيمت له
بالحيات

ما هو احب الالوان لديك ؟؟
الاسوود والازرق


ما مفهووم الزواج في رابك؟
تكوين حيات جديده جميله اسريه
اخذ القرار بنفسك لانك انت المسؤوول
عن العائله مع استشارت الزووجه في اقرار تاخذه
يعني مفهووم الزواج كفاح وتعاون وحب وود


ماهو اكثر شي تحبه واكثر شي تكرهه ؟؟

اكثر شي تحبه الصدق واكثر شي تكرهه الخيانه والغدر


فيما يتجسد جمال المراه؟؟

في الصدق والقلب الصافي الابيض الذي بنبض
بمشاعر جميله جمال الراه ليش بالشكل الجمال الحقيقي
هوه الجمال الداخلي الطيبه الاخلاق الصدق المحبه الصافيه



لو كانت لديك مشكله الي من تلجأ ؟؟
امي او اختي العوده اذا كانت المشكله كبيره حيل
اما اذا كانت مشكله عاديه ان احلها بنفسي


ماهو الاعمق الهديه اما القبله ؟؟

الاعمق بنظري القبله لانه القبله
تفرح الانسان من الداخل وتريحه نفسيا
اما الهديه سعادته خارجيا يعني يكوون
سعيد بالمظهر ويكوون شبه حزين نفسيا


هل انت راضي عن نفسك ؟؟

نعم راضي وكل الرضى عن نفسي


كيف تطرد الارهاق ؟؟
بالنوووم


كيف تسيطر الخوف عن نفسك ؟؟

نسيانه تذكر اشياء جميله
مع قراءت القران


هل انته واثق من نفسك ؟؟

نعم واثق وكل الثقى بنفسي


ماهي نقطت ضعفي ؟؟

دمعت الطفل
ودمعت امراه كبيره بالسن مظلومه

ماهي اسعد ايامك ؟؟

ايام الصغر


اتفعل شيء للقضاء على همومك ؟؟

نعم احاول النسيان الهموم بالعب بالضحك


هل فيك خصله رديئه وماهي ؟؟

نعم ماهي السرعه في اتخاذ القرار

وشاكرلج اسئلتج

وبس وبس تعيت
لوووووووووووووووووووووووول

[بـو الـفـوز]

دلع الكويت << حرام عليـــــــــــــــــج شقيتي الولد شق مو طبيعي والله


بليز بس لا تسألين والله تعذب الولد <<<

[كويتيه]

لوول


_ما أجمل زهرة في حياتك؟

3_ماذا تحب أو تكره في شخصك؟

4_هل تجدين روح التعاون بين طاقم الاشراف والاعضاء ؟

[الكـ دلع ـويت]

محمد البدري << تحمل بااقي شوي بعد

بو الفوز << ليش تختاارونه مو عشاان نساله بااقي بعد لازم اخلص الملف اللي عندي

يلا هذووول بعد هديه مني هههههه:

هل تثق بالآخرين؟
اتحافظ على عهودك ووعودك وتتقيد بها دائماً؟
هل لك إرادة وعزيمة؟
هل أنت خجول؟



ماذا تفضل العزلة أم الاختلاط بالناس؟
. أتعتقد أنك إنسان طموح؟
هل يستلطفك الآخرون؟
هل أنت صريح، وهل تعتز بذلك؟
أتحاول أن تنظر نظرة متفائلة إلى المشاكل في حياتك؟


هل تؤمن بأن الحب أقوى قوة في العالم؟
أتغضب وتحقد على من تحب؟
ما الذي يسعدك، أو ما هو الشيء الذي يجلب لك السعادة؟
ما رأيك بكل من:...
* الحب..
* الوفاء..
* الحرية..
* الصدق..
* الكذب..
* الخيانة..
* الحياة..
* النجاح..
* الفشل..
* الفراق..
* الانتظار..
* الليل..
* الوداع..
* الدموع..
* الشروق..
* الغروب..
* البحر..

هل أنت عنيد؟


من هو مثلك الأعلى؟
ما هي مشكلتك في الحياة؟

بصرااحه كسرت خااطري بس تحمل بااقي

شوي ونخلص لووووول

[دلووووعه]

لوووول

حراام عليج خلية يرتااح شوي

[الكـ دلع ـويت]

دلوووعه

اوكي خلاص اليوم ما راح اسئله ...

رااحه له بس باجر رااح اخليها مضاعفه

لوووووول

[محمد البدري]

اسئلت الاخت كويتيه

ما اجمل زهره بحياتك؟؟
زهرت القرنفل والجوري

ماذا تحب وتكره بشخصيتك؟؟
اكره شي فيني اهو السرعه في اتخاذ القررات
وكل شي احبه بشخصيتي

هل تجد رووح التعاون بين طاقم الاشراف والعاضاء؟ظ

نعم

وشاكرلج اسئلتج

[محمد البدري]

اسئلت المحققه دلع الكويت

هل تثق بالاخرين؟؟
اثق بلي اعزهم وقريبن مني حيل
اما الباقي لا

اتحافظ على عهودك ووعودك وتتقيد بها دائما ؟؟
اكيد نعم

هل لك اراده وعزيمه ؟؟
اكيد نعم لان الانسان بدوون اراده وعزيمه ضايع بالحيات كلمه توديه وكلمه تيبه

هل انت خجوول ؟؟
خجوول مع الجنس الناعم ( النساء) فقط


ماذا تفضل العزله او الاختلاط مع الناس ؟؟
افضل الاختلاط مع الناس لكي اتعلم من اقلاطهم
وعشان افهم الحيات شلون ماشيه


اتعتقد انك طمووح ؟؟
نعم لان الانسان بدوون طموووح بلاهدف بالحيات

هل يستلطفك الاخرين؟؟
انا اماشي ناس متاكد من حبهم لي وصدقهم ووفائهم لي
تقدرين تقولين اخوان واكثر ما اماشي ناس وانا ادري
انهم يستلطفوني بس جذي هذوول الناس انا ما اماشيهم

هل انت صريح وهل تعتز بصراحتك؟
نعم صريح و اعتز بصراحتي حلات الانسان صريح لان الانسان الي مو صريح
مهما سوى راح ينكشف على حقيقته

اتحاول ان تنظر نظره متفائله للمشاكل في حياتك؟؟
نعم لان التفاؤل يعطي دافع للانسان عشان يحل مشاكله


هل تؤمن بان الحب اقوى قوه بالحيات؟؟
لا لان اقوى قوه هي قوت الله سبحانه وتعالى
ولكن اؤمن بأنه يوجد حب

هل تغضب وتحقد على من تحب ؟؟
اغضب نعم ولكن احقد لا

مالذي يسعدك او ماهو الشيء الذي يجلب لك السعاده ؟؟
صحتي وعافيتي بالحيات وسماع الاخبار السعيده والمفرحه

مارايك بكل من :
الحب :شي جميل يجعل الحيات جميله وشعيد ه
الوفاء: يجلب الثقه بين الناس
الحريه : شي جميل لكن يجب ان تكوون الحريه لها حدوود ولايجب ان يتعادها الانسان
الصدق : يجلب الثقه والمحيه بين الناس وراحت البال عندما تكوون صادق
الكذب : دمار للحيات يكثر النفاق بين الناس
الخيانه : دمار للحيات يكثر المشاكل بين الناس
الحيات : حلوه بس تبي منو يفهمها
النجاح : شي جميل ان يكوون الانسان ناجح لان النجاح بعطيه دافع اكبر بالتقدم الى ارقى المراتب بالحيات
الفشل: شعوور يحطم نفسيت الانسان ويجعله غير متفائل
الفراق : ممكن يكون له اثار سيئه للانسان ولكنه لايعني نهايت الحيات فهذا درس من درووس الحيات
الانتظار:يعلم الانسان الصبر بالحيات
الليل : مراجعت مافعلته في النهار وراحه لانسان
الوداع : له شعور سيء بالانسان لكن الوداع درس من درووس الحيات
الشروق: شيء جميل وبدايه ليوم مليء بالمغامرات ودرووس الحيات
الغرووب: شيء جميل ولكن يسبب لي الاكتئاب ولكن لا اجعل الاكتئاب يسيطر علي
البحر: عالم جميل مليىء بالاسرار اشي له همي ويحمله عني

هل انته عنيد؟؟
نعم

من هو مثلك الاعلى بالحيات ؟؟
الرسوول وبعده الامام علي رضي الله عنه
وبعده ابوي

ماهي مشكلتك بالحيات؟؟
انتشار النفاق والكذب بين الناس

وشاكرلج يالمحققه دلع الكويت
يرحم امج بس تعبت لووووووووووول

[الكـ دلع ـويت]

هه اوكي انا قدمت استقالتي للتحقيق هذاا

خلاص صكرت الملف ..

بس يا ويلهاا يا سواد ليلها اللي بتكون بعدك

الاسئله ما لتهاا وااااايد حدهم لوووول

[رغد]

عضو اشوف عنده امكانيات بس ما قدمها للحين ؟؟
الاخت ( رغد ) مع احترامي لها


ثانكس :)


:rolleyes:

[رغد]

1- سيارتك المفضلة ؟؟

2-جيبك المفضل ؟؟

3- وانيتك المفضل ؟؟

4- أبيك اترتب بهالأشياء من الأحلى الى الأبيخ
( سيارة - جمس - وانيت - باص - جيب )

وانشالله تستحمل أسئلتي :)

[محمد البدري]

سيارتك المفضله؟
بي ام دبليو (اليريور)

جيبك المفضل ؟

رنج روفر سبورت

وانيتك المفضل؟؟
z71

ابيك ترتب بها الاشياء من الاحلى الى الابيخ
(سياره - جمس -وانيت - باص -جيب)

ترتيبي
سياره - جيب - جمس - وانيت - باص

وشاكرلج اختي اسئلتج

[محمد البدري]

دلع لكويت

شكلج ماعندج شغل

بس تحبين تسألين

هذا دليل انج تحبين

الحجي والقرقه الزايده

واذا تبين تسألين سألي

ولا خلصت اسألتج
ههههههههههههههه

[رغد]

لوول

5- شي اتخاف منه ؟؟
6-ناديك المفضل ؟؟
7-لاعبك المفضل ؟؟
8-حيوانك المفضل ؟؟
9-حيوان اتخاف منه ؟؟
10-حيوان امربيه في بيتك وتستانس عليه ؟؟
11-في جم منتدى مشترك ؟؟
12-شنو هو لونك المفضل ؟؟
13 شنو نوع آيس كريمك المفضل ؟؟
14شنو هوايتك ؟؟

[رغد]

وبس خلصت أسئلتي :)

[محمد البدري]

خلصنا من دلع الكويت اطلعت رغد

لوووووووووووووووووووووول

شي تخاف منه ؟؟
اخاف من الله واخاف من الغدر

ناديك المفضل ؟؟
ماعندي سوالف كره ونوادي ولاعبين

لاعبك المفضل ؟؟
ماعندسي سوالف كره ونوادي ولاعبين

حيوانك المفضل ؟؟
الطاوووس

حيوان مربيه بيتك ومستانس عليه ؟؟
ما اربي حيوانات بيتنا

في جم منتدى مشارك ؟؟
بس هويتك

شنو لونك النفضل ؟؟
الازرق والاسوود

شنو نوع ايس كريمك المفضل ؟؟
لو لو وابو الذهب

شنو هوايتك ؟؟
السباحه والنت

وشاكرلج اسئلتج

[رغد]

هههه

وي بعد في سؤال نسيت أقووله

عادي أسئل ولا أعصير مثل دلع الكويت ولا مادري منوو ؟؟؟

[محمد البدري]

اخذي راحتج اخت رغد
سئلي

لووول

[رغد]

لووووووووووول

شنو هو كلنكسك المفضل ؟؟

[محمد البدري]

شكلج ماعندج شغل

لووووووووووول

شنو كلكسنك المفضل ؟؟

الكلنس المعطر

[قدساوية]

لووووووووووول

مسكين البدري الله يعيينك

حراام يننتوووه

مااعندي اسئله لانهم ماخلو سؤاال ماقالووه

لوووووول

حتى على الكلنكس سالو

لووووووول

اذا لقيت رااح ارد :p

[محمد البدري]

الله يعيني عليكم

لووووووووووووووول

[قدساوية]

لووووووول

عادي اتحمل شورااك :p

[دكتور الحب]

خخخخخخخخخخخخخخخخخ

يعطيك العافيه اخوي محمد

شنو افضل قناة عندك في التلفزيون ...؟

منو افضل ممثل عربي؟
منو افضل ممثل اجنبي؟
منو افضل ممثله عربيه
منو افضل ممثله اجنبيه

ومشكووووور :)

[محمد البدري]

اسئلت الاخ دكتوور الحب

الله يعافيك دكتوور

منو افضل ممثل عربي ؟؟
عبدالحسين عبد الرضا و عادل امام

منو افضل ممثل اجنبي؟؟
الي مثل دور فان دام

منو افضل ممثله عربيه؟؟؟
سعاد عبدالله وحيات الفهد و نبيله عبيد و بلبله

منو افضل ممثله اجنبيه ؟؟
انجيليا جولي


وشاكرلك اسئلتك

[قدساوية]

امممم

اكثر استاايل عجبك ؟

وبس

[محمد البدري]

استايل هويتك اليديد


وشاكرلج اسئلج

الخفيفه

[دلووووعه]

يعطيك العافية البدري

شنو شعورك لما تشوف احد يبجي ؟؟

ولما تكون متضاايق اي مكاان تفضل تروحله ؟؟

لما تعصب او تزعل شتو تسوي ؟ وين تروح ؟

[بـو الـفـوز]

بذمتك شرايك بقطعتكم ؟؟


انا بنظري قطعتكم تييب الضغط والسكر ؟؟ وانت شرايك ؟؟

[محمد البدري]

الله يعافيج دلووعه


شنو شعورك لما تشووف احد يبجي ؟؟

احب اعرف ليش يبجي وييلي شعوور حزين
وخصيصا اذا شفت دمعت طفل وشايب ودمعت
عيووز


ولما تكوون متضايق اي مكان تفضل تروحله ؟؟

البحر شيال الهموم


لما تعصب اوو تزعل شنو تسوي ؟؟ وين ترووح ؟؟

اقعد برووحي بمكان هادي وادقلي زقاره وامكن ادقلي باكيت كامل معني ادري انها مضره بس تهدي اعصابي
وين ترووح البحر شيال الهمووم



وشاكرلج اسئلتج

[محمد البدري]

اسئله الاخ بو الفوز


بذمتك شرايك بقطعتكم ؟؟

فيها هدووء مو طبيعي

هاديه حيل عشان جذي تحسها

وانا بعد احسها كئيبه بس انا متعود

عليها


انا بنظري قطعتكم تيب الضغط والسكر ؟؟ وانت شرايك ؟؟

لا نك مو متعود على الهدووء تحب السوالف وقطعتنا هاديه

عشان جذي تحسها كئيبه وممله .




شاكرلك اسئلتك

[بـو الـفـوز]

عمرك جربت الحب ؟

[رغد]

أي لون دارك ؟؟؟

[دلووووعه]

شنو هواياتك ؟؟

[محمد البدري]

سؤ ال الاخ بو الفوز



عمرك جربت الحب ؟؟؟

اي ومازلت مستر بالحب




سؤال الاخت رغد

اي لوون دارك ؟؟

بيج



سؤال الاخت دلوووعه

شنو هواياتك؟؟

السباحه و النت وبس




شاكر لكم اسئلتكم

[دلووووعه]

اللي يبي يسأل يسأل بس بسرعة لان بااجر اخر يوم :)

[دكتور الحب]

اقدر الحق الحين هههههههههههههههههههههه

اخوي بو جاسم عندي كم سؤال يعني خفيف

شنو يعنيلك

البحر :

البر :

اخ لم تلده امك :

كورة القدم :

ولد عمك :
ولد عمتك :

ولد خالك :

ولد خالتك:

ان شاءلله تكون اساله خفيفه :)

[الكـ دلع ـويت]

هع هع هع
انا قلت بخليق بس اليوم ما قدر
تفضل ااخر الاسئلة :


عضو يعجبك طرحة للمواضيع:
عضو ترتاح له:
عضو يعجبك رده:
عضو هادئ:
عضو تحس انه متابع لك:
عضو تتابع مواضيعه:
عضو عاجبك اسمه المستعار:
عضو فرفوش:
عضو حزين:
عضو قوي الشخصيه:
عضو يرفع الضغط:
عضو يثير اهتمامك:
عضو رومنسي:
عضو تتمنى معرفة اسمه الحقيقي:
عضو نشيط جدا:
عضو منظم ومرتب:
عضو تهديه باقة ورد:
عضو تهديه اغنيه معينه:
عضو مفيد للمنتدى:
عضو يعجبك توقيعه:

وسلااااام

[كويتيه]

البدررري اليوم اخر يوم اختاار عضوة بسرعة

[محمد البدري]

اسئلت الاخ
دكتوور الحب

شنو يعنيلك البحر : يهدي الاعصاب و شيال الهموم ومكان هوايتي السباحه


البر : مكان هادي وساحر بطبيعته الصحراويه

اخ لم تلده امك : السفير واختلفنا وبو الفوز واثنين من ربعي مو ويانا بالمنتدى يعني ماتعرفونهم لووول

كورت القدم : معني ما احبها بس تقزر وقت

ولد عمك : فخري وعزي وحامي اظهري من اعدائي

ولد عمتك : فخري وعزي وحامي اظهري من اعدائي

ولد خالك:افتخر فيه واحبه
ولد خالتك : كاتم اسراري واحبه


شاكرلك اسئلتك الخفيفه

[محمد البدري]

اسئلت لاخت دلع الكويت


عضو يعجبك بطرح المواضيع: الاخت بنت ابوي


عضو ترتاح له: السفير بو الفوز واختلفنا

عضو يعجبك رده : كل الاعضاء ردهم حلو

عضو هادي : الاخت رغد

عضو تحس انه متابع لك : السفير

عضو عاجبك اسمه المستعار: السفير واختلفنا

عضو فرفوش : الاخت كويتيه

عضو قوي الشخصيه : السفير

عضو حزين : مافي احد من الاعضاء حزين

عضو يرفع الضغط : كلكم حلوين ومافي احد يرفع الضغط

عضويثير اهتمامي :كلكم تثيروون اهتمامي

عضو رومانسي : ماادري منو العضو الرومانسي لاني مو قاعد بقلوبهم لوووووووول

عضو تتمنى ان تعرف اسمه الحقيقي : كلكم ودي اعرف شنو اساميكم


عضو نشيط جدا: الاخت كويتيه واختلفنا والنازي


عضو تتابع مواضيعه : الاخت بنت ابوي لاني احب الاخبار الفنيه

عضو منظم ومرتب : كلكم

عضو تهديه باقت ورد : كلكم

عضو تهديه اغنيه : السفير واختلفنا وبوالفوز وبكندر اغنيت (صدفه)

عضو مفيد للمنتدى : كلكم مفيدين للمنتدى

عضو يعجبك توقيعه : الاخت كويتيه

وشاكرلج اسئلتج

[محمد البدري]

اختار دلع كويت

لوووووووووووووووووووول

عشان تقعد على كرسي الاعتراف

لووووووووووول

يصير خير يا دلع االكويت لووووووووووووووووووووووول

شراني صح هههههههههههههههه